बसन्त महर्जन
माकलं नैक्याःग्वः स्वः थें
जिं थःत स्वयाच्वना ।
हल मजुइगु ल्याःचाः थें
जिन्दगी,
अथेया अथें द्वलंद्वः न्ह्यःनिसें
गबलें वांछ्वया बी तंचायाः
गबलें …………….
हाकनं तीसकं काये
छाय् छाय् माया नं वं
आशा नं दु ।
थुइके मफुगु
हल मजूगु
थ्व जिन्दगी, छु जिन्दगी १
समाः याना स्वया
जिन्दगीयात शब्दया तिसां
नांगा याना नं स्वया जिन्दगीयात
शब्दया अहंकारं
तर अथेया अथें जिन्दगी
माकःया ल्हातिइ नैक्याःग्वः थें
गथे खः अथे हे न्ह्यावलें न्ह्याबलें ।