- बसन्त महर्जन
वंगु दँया भिन्तुना कापः
दँल्याः जक हिलाः
हाकनं प्यनातः थेंं
ल्यनाच्वन जिके ।
क्यनेत जिके सकतां दु
तर जि मदु जिके
म्वायेत म्वानाच्वना
तर न्हूदँ मदु ।
व हे झसुकाः
व हे कविता
व हे झसुकाः
व हे कविता
व हे मुलु व हे सुका
थ्व जिन्दगी छु जिन्दगी ।
खुसिइ चुइकाः छ्वयेमास्ते वः थ्व जिन्दगी
चुइकावं यंंगु जिन्दगी स्वये दःसा आहा गुलि ज्यू ।
जिगु पित्याःधैगु हे न्हूदँ
न्हूदँ वइबलय्
कविता छगू च्वये
न्हूदँया कविता ।